Lingard-a'n contract thar a hnawl

England midfielder Jesse Lingard chuan Manchester United-in contract thar an zawrh chu a hnawl. Kum 28 mi Lingard hian kum khat chiah Old Trafford-ah hian contract a nei tawh a ni.

Man United-in Cristiano Ronaldo an lakluh leh tak avangin Lingard-a'n khelhna hmun chan tam loh a hlau a, contract thar a ziak lo a nih chuan nakkum nipui bazarah a club duh zawng a thlang thei dawn. Lingard hian season chawhnu lam khan West Ham tan loan hmanga khelin league match 16-ah goal kua a khung a, Pathianni khan England tan Andorra lamah goal hnih khungin assist vawi khat a nei bawk.

Tun season Premier League-ah Lingard-a hi minute li chauh a la inlan a, chutihrualin tunkar chhoah erawh match a tam avangin an chhawr tam a rinawm. Manchester United hian Inrinni zanah Newcastle an hmachhawn dawn a, September 14, Thawhleni zanah Champions League an khel ṭan dawn. Ole Gunnar Solskjaer-a hote hian Stade de Suisse-ah Swiss club Young Boys an hmachhawn ang.