Ashes-ah stadium khat beisei

Test cricket zinga ngaihven hlawh ber Ashes series chu kumin December 8 aṭangin Brisbane-ah khelh a ni dawn. Cricket Australia chuan Covid-19 vei pung mah se stadium khata mipui an awm theih an beisei thu an sawi.

Cricket Australia chief executive Nick Hockley chuan, "Vaccine an pek dan aṭanga chhutin stadium khata entu neih theih kan inbeisei. Test match hi a hlu a, chung zingah chuan Ashes hi a hlu bik a ni," tiin a sawi.

Ashes hi England leh Australia te khelh ṭhin a ni a, kum 2019-a an khelh hnuhnun ber khan 2-2 in an inhnehtawk a, Aussies-in urn an kawl chhunzawm a ni.