Sri Lanka-in South Africa an hneh

Thawhlehni khan Sri Lanka-in an mual R. Premadasa Stadium-ah South Africa chu 78 runs in an hneh.

ODI match thumna khelh hma hian Lions leh Proteas hi vawi khat ve ve an chak tawh a, hemi a nih avang hian match hnuhnung ber hi a pawimawh hle. Sri Lanka-in bat hmasak an thlang a, Chartih Asalanka (47) leh Dhananjaya de Silva (31) te zarah 203/9 runs an siam.

ODI match hmasa pahnihah 250 runs chuang ve ve siam thei South Africa tan chak theihna tur niin lang mah se Sri Lanka bowler-te lakah an thamral. Kum 21 mi Maheesh Theekshana chuan wicket li lain 37 runs chauh a pe a, Dushmantha Chameera (16/2) leh Wanindu Hasaranga (32/2) ten wicket hnih ve ve la bawkin South Africa-in 125 runs chauh an siam.