Raikkonen inlan dawn lo

Alfa Romeo driver Kimi Raikkonen chu tun kar tawpa Formula 1 Italian Grand Prix an tlan hunah a inlan thei dawn lo, a intlansiak ve theih loh chhan hi coronavirus a kai vang a ni.

Kar hmasaa tlan zawh tak Dutch Grand Prix-ah pawh khan Raikkonen hi a inlan thei lo, a hri kai kha a la reh fel lo a, natna lang chhuak nei hran lo mah se hri leng inkaihhruaina dan angin a chawlh a la ngai dawn.

Kum 41 mi Raikkonen hian tun season tawp rualin F1 a chawlhsan tur thu a lo sawi tawh, car intlansiakna sang berah hian a hun hnuhnungah a duh angin sulhnu ṭha a hnutchhiah hleithei dawn ta lo a ni.