IOC-in North Korea a hrem

International Olympic Committee (IOC) chuan North Korea chu kum 2022 tawp thleng atan a hrem, nakkum tir lama neih tur Beijing Winter Games-ah an inlan ve thei dawn lo tihna a ni.

Tokyo Olympic-ah khan North Korea hian infiammi a tir lo, mahni duh thua infiammi tirh loh ngawt hi dan kalh a nih avangin IOC president Thomas Bach chuan hrem an nih thu hi a sawi chhuak.

Bach chuan, "North Korea chu hrem an ni, hrem an nih chhung hian IOC chuan North Korean Olympic Committee hnenah ṭanpuina pawisa a pe lo ang, inelna an hmachhawn a rem ve dawn lo bawk," tiin a sawi.

North Korea aṭangin Tokyo 2020 inlan tur khan infiammi ṭhenkhat an tling, mahse an ram sorkarin an chhuahtir lo. An duh dana an kal ngawt vang hian IOC chuan dan hmangin a hrem ta a ni.