Pathianni aṭangin FIFA Futsal World Cup

FIFA Futsal World Cup chu tun Pathianni hian Lithuania-ah khelh ṭan a ni dawn. Futsal hi mumal takin FIFA hnuaiah kalpuia a ni a, kum li dana khelh Futsal World Cup pawh hi vawi kuana tur a ni.

Inelnaah hian khaw-mualpui paruk aṭangin ram 24 an tel a, Lithuania khawpui pathum Vilnius, Kaunas leh Klaipeda-ah te khelh a ni dawn.

Futsal inelnaah hian champion lai chu Argentina an ni a, kum 2016 khan final-ah Russia 5-4 a hnehin a champion. Champion ngun ber erawh Brazil an ni a, vawi nga ngawt champion tawhin Spain-in nomawi vawi hnih an chawi ve tawh bawk.

Futsal World Cup-ah hian Asia aṭangin team panga an tel a, chungte chu Iran, Japan, Uzbekistan, Thailand leh Vietnam te an ni. Pathianni zan hian group A leh B te an inlan dawn. Lithuania Vs Venezuela; Kazakhstan vs Costa Rica; RFU Vs Egypt leh Uzbekistan vs Guatemala te inkhel hmuh tur a awm.