Malhotra-a'n six vawi ruk a vua

United States chuan Ningani khan Papua New Guinea chu Oman-ah 134 runs in an hneh a, US batsman Jaskaran Malhotra chuan over khatah six vawi ruk a vua.

Al Amerat Cricket Stadium-a inkhelah hian Malhotra hian ball 124-ah 173 runs a siam a, Papua New Guinea pace bowler Gaudi Toka laka over khata six vawi ruk a vuak avangin hming a chher hle.

ODI bikah Malhotra leh South African batsman Herschelle Gibbs te chiahin over khatah six vawi ruk an vaw thei a, thi loa 173 runs a siam avangin United States tana vawi khata run siam tam ber a ni bawk.

United States hian over 50-ah 271/9 runs an siam a, Papua New Guinea hi over 37.1-ah 137 runs siamin an thi fai vek a, Malhotra hoin US-in hnehna an chang.