Goal sarih luhnaah Haaland a langsar

Borussia Dortmund chuan Inrinni khan mualneitu Bayer Leverkusen chu Erling Haaland-a goal hnih hmangin an lehthal a, 4-3 in hnehna an chang.

BayArena-ah German rawlthar duhawm Florian Wirtz-a'n minute kuana lekah goal hmahruai a khung a, Haaland hmangin minute 37-naah Dortmund-in an sut. Leverkusen hian Patrick Schick leh Moussa Diaby te hmangin hma an hruai nawn leh a, Julian Brandt leh Raphael Guerreiro te hmangin an sut leh.

A tawpah Dortmund an vannei a, ball-in Odlion Kossounou kut a per avanga an penalty hmuh chu Haaland-a'n minute 77-naah a khung. Kum 21 mi Haaland hian Bundesliga match li aṭangin goal nga a khung leh der tawh a, goal ruk khung tawh Bayern striker Robert Lewandowski chiah a tluk lo.

Dortmund hian Nilaini zan hian Champions League-ah Besiktas an hmachhawn dawn a, an group-ah hian Ajax leh Sporting Lisbon te an awm bawk.