David Luiz-a'n Flamengo a zawm

Brazil defender David Luiz chuan Rio de Janeiro club Flamengo a zawm. Chelsea defender hlui Luiz hian Brazil tan match 57 a khel a, July thla khan Arsenal-a a contract neih lai chu tawpin club nei loin a awm reng.

Flamengo chuan, "Mipuiin an duh a, amahin a duh a, tunah chuan kan jersey a ha dawn ta," tiin thuchhuah an siam. Kum 34 mi defender Luiz hian December 2022 thleng contract a ziak.