Del Potro hnehtu Isner

A zawna match 15 chhung hnehna chang tawh Juan Martin del Potro chu a tlawm ve ta. Zirtawpni zan a khelh Miami Masters semifinal-ah Del Potro hi John Isner lakah a chak lo.

American tlangval Isner hian winners vawi 39 a vuak chhuah hnuah 6-1, 7-6 (7-2) in hnehna a chang a, nizan khan world number 5 Alexander Zverev nen final khel zuiin, he thu buatsaih lai hian result kan hre hman lo a ni.

US Open champion hlui Del Potro hian thla hmasa khan Roger Federer hnehin Indian Wells nomawi a chawi tawh bawk a, tun season chhungin match 21 hnehna chang tawhin khel ṭha tluang viau mah se service nei ṭha Isner lakah a ding khawng thei lo.