Man United-ah Pogba a hlim - Mathias

Mathias Pogba chuan a unaupa Paul Pobga chu Manchester United-ah a hlim thu a sawi. Mathias chuan, "Paul hian Manchester United-a cham emaw chhuak tur emawin thutlukna a la siam lo. Chutihrualin tun season-ah erawh a hlim a, a hmalam huna a awm dan tur chu hunin a hril ang," tiin a sawi.

Kum 28 mi Pogba hian season bul a ṭan ṭha hle. French midfielder hian tun season-ah league match li khel tawhin assists vawi sarih a nei tling der tawh a, Ole Gunnar Solskjaer hnuaiah hmun pawimawh a changah a ngaih theih bawk.

Man United pawhin Pogba chelh hi an ngaih pawimawh hmasak a ni a, Bruno Fernandes pawh chelh tumin hma an la ṭan tawh bawk. July thla aṭang khan club-in Fernandes agent an dawr tawh a, Man United-in chelh an duh ang bawkin Fernandes pawhin cham a duh a, kum tawp lamah contract thar an ziah beisei a ni.