Intlansiak turin Raikkonen a dam

Kimi Raikkonen chuan coronavirus hnehin a dam thu a puang a, inelna an neih leh tur Russian Grand Prix-ah chuan harsatna nei loin Alfa Romeo driver hi kan hmu thei tawh ngeiin a rinawm.

Kum 41 mi Raikkonen hian tun season tawp rualin F1 a chawlhsan tur thu a puang tawh a, a chawlh tur thu a sawi hnu lawkah hri leng a kai zui - inelna hnuhnung pahnih a hmachhawn thei lo.

Raikkonen chuan, "Ka ṭha tawh e, intlansiak lehpekah kan inhmu dawn nia," tiin instagram lamah a ziak. Russian GP hi September 26-a tlan tur a nih avangin a taksa ti fit turin hun a nei tam tawk ang.