ATK player thar John Johnson

Bengaluru FC defender John Johnson chuan kum nga chhung a lo khelh tawhna Bangalore club chhuahsanin ATK a zawm dawn a, Kolkata club-ah hian kum hnih cham turin contract a ziak.

English defender hian Bengaluru-ah hian season khatah nuai 137 bawr vel a hlawh mek a, ATK-ah erawh a hlawh a pung dawn. Kolkata club tan hian a season khatnaah nuai 162 bawr vel a hlawh phawt ang a, a season hnihnaah nuai 178 vel a hlawh bawk ang–ATK club-a a cham chhunga a hlawh tur zat hi nuai 340 bawr vel a ni.

Middlesbrough aṭanga inzirchhuak Johnson hian Bengaluru-ah season nga hun a hman chhungin match 107 vel zet a inlan sak a, goal nga a khung. I League 2013-14 season-ah khan best defender-ah thlan a ni a, Bengaluru tan I League (2) leh Federation Cup (2) a chawi hman.

Bengaluru-a a contract neihlai mek hi May 2018-ah a tawp dawn a, Blues tan Super Cup final an lut a nih pawhin tournament tluanin a la khel hman dawn tihna a ni.