Record thar siamtu Niyonsaba

Thawhlehni zan khan track and field huangah world record thar kan hmu. Francine Niyonsaba-i chuan minute nga leh 21.56 seconds chhunga 2,000m tlan thlengin record ding lai a khum.

Kum 2017 khan Ethiopian nula Genzebe Dibaba chuan 5:23.75 chhunga thlengin record a lo siam tawh, kum li hnuah Burundi mi Niyonsaba hian a rawn khum leh ta chiah.

Niyonsaba hi hmeichhia ni mah se thahrui a ngai a, 800m huangah world champion a nih bakah Olympic silver medal pawh a lo a tawh. Mahse, infiammi ṭhenkhat ang bawkin a chak dan hi rinhlelh a kai avangin infiamna ṭhenkhatah chuan hmeichhe huanga tel an phal lo.