FIFPro-in player inkhelh tam an duh lo

Football khawvela professional footballer intelkhawm pawl FIFPro chuan player-te hah lutuk tur ven nan international football calendar chu thlak danglam ngai an tih thu an sawi a, kum hnih dana World Cup khelh tur an thlawp lo.

FIFPro hnuaiah hian professional footballer 65,000 vel an inziak lut a, anni ngaihdan hian FIFA ruahmanna hrang hrangah thui takin nghawng a nei ang.

Tun hnai lawk khan FIFA chuan kum hnih dana World Cup neih a nih theih dan tur chungchangah thuchhuah an nei a, hemi mil tur hian international calendar thlak danglam tumna pawh a awm.

Mahse, FIFPro chuan thuchhuah siamin, "Tuna kan buaina mek pawh chinfel theih a nih loh laia kum hnih dana World Cup khelh lo sawi hi chu thil atthlak mai a ni. Heng inelna zawng zawng a kal theih nana tha thawhtu player-te remtihna tel lo chuan heng inthlak danglamna hi awmze nei lo mai a ni ang," an ti.

FIFPro general secre-tary Jonas Baer-Hoffman chuan FIFA chuan player-te taksa tlin tawk an ngaihtuah phak lo niin a sawi a, ruahmanna thar a awm a nih chuan player-te chu rawn hmasak tur an nih thu a sawi bawk.