Match hnih atan Sarri an hrem

AC Milan an hneh loh ṭuma hnawh chhuah Lazio coach Maurizio Sarri chu match hnih atan hrem a ni a, an match lehpeka Cagliari leh Torino an hmachhawn hunah a naute a kaihhruai thei lo ang.

Kar tawp inkhelah khan San Siro-ah Lazio hi 2-0 in an chak lo, inkhelh banah Sarri hi Milan midfielder Alexis Saelemaekers bulah kalin buaina a siam a, striker Zlatan Ibrahimovic-a'n a lo ṭhelh - kum 62 mi Sarri hi buaina chawk chhuaktu zawk a nih avangin red card an pe zui.

Serie A thuneitute chuan thil thleng hi an zirchiang a, buaina a siam bakah referee Daniele Chiffi laka a chet zui dan avangin Sarri hi match hnih atan hrem a nih thu an puang; September 26-a AS Roma nen an inkhelh hunah a lo kir chauh ang.