Cricket bowler lar Malinga a chawl

Sri Lanka seamer Lasith Malinga chuan cricket khelh a chawlhsan thu a puang. Kum 38 mi Malinga hi Twenty20 international history-a bowler hlawhtling ber zinga mi a ni.

Malinga hian kum 2014 khan T20 World Cup-ah Sri Lanka a champion pui a, T20 international-ah wicket 107 lain wicket la hnem ber record a siam. Sri Lanka bowler hian ram tana a khelh hnuhnun ber chu March 2020 daih tawh kha a ni a, October 17-a ṭan tur T20 World Cup squad-ah telh a ni lo.

Malinga chuan, "Career duhawm tak ka nei a, ka tawnhriat ṭhahnem tak hi cricketer naupang zawngte hnena hlan chhawn ka duh," tiin a sawi a, coaching lamah kal a tumah a ngaih theih.

T20 inelna hrim hrimah Malinga hian match 295 khelin 390 wicket a la a, amah aia record nei ṭha chu Dwayne Bravo, Imran Tahir leh Sunil Narine te chauh an awm. Indian Premier League-ah pawh player langsar a ni a, IPL-ah hian wicket 170 lain Mumbai Indians chu 2013, 2015, 2017 leh 2019 khan a champion pui.

ODI lamah pawh Malinga hian sulhnu ṭha a nei a, wicket 338 lain Sri Lanka tana wicket la hnem pathumna a ni pha. Malinga hian ODI-ah hattrick vawi thum a siam a, ṭum hnihah phei chuan ball liah wicket li a la bawk. Malinga hian Test match pawh vawi 30 khelin 101 wicket a la a ni.