Pele-a'n ICU a chhuahsan

Brazilian legend Pele chuan Intensive Care Unit (ICU) a chhuahsan zawhah 'minute 90 leh extra time' khel tura a inpeih thu a sawi.

Kum 80 mi Pele hi August 31 khan a rilah bawk a awm tawh tih hmuh a ni a, Sao Paulo damdawi inah awmin September 4, Inrinni khan zai a ni.

Pele chuan, "ICU ka chhuahsan tawh a, tunah chuan ka room-ah ka awm tawh. Keimah pawh ka hlim a, minute 90 leh extra time khel turin ka inpeih," tiin a dam ṭhat thu a sawi.

Football legend Pele hian Brazil tan match 91-ah goal 77 a khung. Tun hnai khan Argentina captain Lionel Messi chuan Bolivia lakah hattrick siamin South America chhunga ram tana pet goal tam ber record Pele siam chu a khum.