Northampton-in Hasselbaink an ban

League One club Northampton Town chuan an match hnuhnung bera 2-0 a Peterborough an ngam loh hnuah coach Jimmy Floyd Hasselbaink an ban a, Dutch striker hlui hian a match hnuhnung pakuaah Northampton hi hnehna a chanpui zo lo.

Hasselbaink hian September khan Justin Edinburg thlakin Northampton hi a pan a, kum thum chhung cham turin contract a ziak. Mahse, Chelsea striker hluiin beisei angin a chet ṭhatpui thei lo a, team 24 awmnaah 22-na dinhmun an luah mek.

Northampton chairman Kelvin Thomas chuan, "Jimmy kan chhuahtir a ngai ta mai hi a pawi kan ti a, mah se club tana ṭha ber tur ngaihtuahin inṭhen mai hi a ṭhain kan hre si a ni," an ti.

Hasselbaink rual hian first team coach John Pemberton a chhuak tel nghal a, assistant Dean Austin chuan league match nga khelh an la hmabakah a enkawl ang.