A chung berah Nadal

Mipa tennis thuneitu sang Association of Tennis Professionals (ATP) chuan Thawhṭanni khan ranking thar a tichhuak a, a chung berah Rafael Nadal a awm.

World number 1 nilai Roger Federer-a'n Indian Wells nomawi a kawl lai a humhim thei lo a, Miami Masters-ah a inlan lo zui bawk; hei vang hian Swiss star hian ranking point a hmuh belh loh bakah, a neih sa a tla hniam bawk. Nadal aiin point 10 lekin a hniam ta zawk a ni.

Miami Masters cham-pion hlim John Isner-a'n tun hma lama a tawn sang ber ṭum anga kha a nih rual leh a, pakuanaah a awm. Nomawi inchuhnaa chak lo zawk Alexander Zverev chuan step khata hma sawnin palina a ni thung.

Hyeon Chung-a'n hma a sawn chho zel, kum 21 mi Chung hi a vawi khat nan a sang 20 zinga tel turin 19-na a ni. South Korea tlangval hi kumina Grand Slam hmasa ber Australian Open-ah khan semifinal a lut.