Halep tluk thei awm rih lo

Simona Halep tluk thei an la awm lo tluang zel, Thawhṭanni khan hmeichhe tennis thuneitu sang Women's Tennis Association (WTA) chuan ranking thar a tichhuak a, Romanian nula Halep chu pakhatna a ni zel.

US Open leh Miami Masters nomawi kawl mektu Sloane Stephens chu a vawi khat nan a sang zual 10 zingah a tel a, US nula hi pakuana a ni. Miami Masters final-a a hneh tak Jelena Ostapenko chu pangana a ni. Latvian nula zingah Ostapenko hi thleng sang thei ber a ni.

World number 1 hlui Angelique Kerber chu a thiam 10 zingah a tel phak lo. Grand Slam vawi hnih champion tawh Kerber hian season hmasa khan beisei a phak lo a, kuminah pawh khel ṭha viau mah se nomawi a chawi hleithei lo.

Serena Williams-i'n fa a neih hnuah hmei­chhe world number 1 ni nghet thei an awm rih lo. May 27 aṭangin French Open khelh a ni leh dawn a, champion lai Ostapenko pawh rinkai ber a ni phak lo ang.