Gold Coast-ah Commonwealth Games

Nimin tlai khan Gold Coast, Australia-ah Commonwealth Games hawnna hun neih a ni. Tun ṭum infiamna khawmpui lianah hian ram 71 aṭangin infiammi 4,500 chuang an kalkhawm a, gold medal 275 zet dawn tur a awm ang.

Opening Ceremony hi Carrara Stadium-ah neih niin, thupui atan “Hello Earth” tih hman a ni. Hawnna inkhawmah hian a tirah 'Globe' tarlan niin, "Hei hi kan chenna hmun a ni a, ramri hmuh tur a awm lo. Min ṭhenhrangtu a awm lo, mihring an inṭhenhrang hek lo. Mi thuhmun vek kan ni, min ṭhen hrangtu a awm lo," tiin ram hrang hrangte inngeih taka awmkhawm tur kan nih thu an tarlang.

GWC Project and Artistic director David Zolkwer chuan, "Khawvel mipuite hi Gold Coast ropuina min hmuhpui turin kan sawm lo a, he hmunah hian hlim leh lawm tak bakah inpawh tlang taka infiamna nei turin kan lo lawm a che u," tiin mikhualte lawmna thu a sawi.