LBS SUZUKI Inter Branch YMA Cricket Final-ah Ramhlun Venglai leh Durtlang lut

LBS SUZUKI Inter Branch YMA Cricket Tournament semifinal chu nimin khan khelh zawh a ni a, Ramhlun Venglai leh Durtlang chuan hnehna chang ve vein final an lut. Inrinniah champion nomawi an inchuh ang.

Suaka Memorial Cricket Ground-a semifinal hmasa zawkah Chanmari leh Ramhlun Venglai an inhmachhawn a, vuak hmasak thlangtu Chanmari-in over 20-ah run 135 siamin wicket riat an hloh.

Ramhlun Venglai-in run li chiah an siam tihin wicket hnih hloh nghal mah se a hunah tak run 54 siamtu Joseph

Laltlankhuma a rawng ding chhuak a, over over 19.2-ah an target umphain wicket liin hnehna an chang.

Final-a Ramhlun Venglai hmachhawn tumin Durtlang leh Ramthar an inhmachhawn ve leh a, Durtlang hian Henry Lalsangzuala (46 runs) leh Lalhruaizela (42 runs) chet ṭhat zarzoin over 20-ah run 162 ngawt an vaw chhuak a, wicket ruk an hloh.

Target sang tak umin Ramthar an rawn ding chhuak a, over 12.2-ah run 62 siama wicket thum an hloh hman tihin ruahsurin inkhel a tibuai. D/L (Duckworth Lewis) hman zui a ni a, run 31-in Durtlang hi chakah puan an ni.

Final hi Inrinniah khelh tur a ni ang.