Aizawl FC an chak lo

Mizo club Aizawl FC-in AFC Cup match hnih an khelha an vawi hnih tlawmna ni turin Ningani zan khan Bengaluru FC chu 3-1 in an ngam lo a, Bengaluru tana Mizo club lama goal khung zingah Daniel Lalhlimpuia a tel.

Asia rama club football inelna sang ber dawttu AFC Cup thleng turin RG Stadium a ṭha tawk lo a, Indira Gandhi Athletic Stadium, Guwahati-ah Mizo club-in home match an khel.

Minute rukna lekah AFC-in Leonce Dodoz hmangin goal hmahruai an khung a, Blues keeper Lalthuammawia Ralte tihsual a ni. Mahse, ISL club insiamṭha thuaiin Daniel Segovia, Rahul Bheke leh Daniel-a te hmangin an chhanglet.

Bengaluru si phurh sutna hi Dodoz-a'n a kuta ball a khawih avanga penalty aṭanga Segovia khung a ni a, Spanish striker hian Laldinliana foul vanga an penalty hlawhchhuah hmasa zawk chu goal-ah a chantir thei lo.

Aizawl FC hian nimin khan Guwahati chhuahsanin Indian Super Cup khelhna hmun Bhubaneswar an thleng leh der tawh a, Pathianni tlai dar 4:00-ah quarterfinal khelin East Bengal nen an inhmachhawn ang.

Kolkata club hian quarterfinal lut turin Katsumi Yusa leh Mahmoud Al Amna goal hmangin Mumbai City chu 2-1 in an hneh.