Bayern Munich champion zan?

Jupp Heynckes kaihhruaina hnuaia khel Bayern Munich chuan Bundesliga nomawi chawi turin point thum bak an mamawh tawh lo. Zanin dar 7:00 hian FC Augsburg an lenchilh dawn a, hnehna an chang a nih chuan a zawna a vawi nga nan an champion ang.

Bayern Munich hian an match hnuhnung berah an elpui Borussia Dortmund chu 6-0 in an sawp a, match 28 khelh aṭanga point 69 hmuin, pahnihna Schalke aiin point 17 zetin an sang fal tawh.

Heynckes-a'n hliam vangin Juan Bernat leh Arturo Vidal te a la chhawr thei dawn lo a, defender David Alaba erawh a dam tawh thung. Bayern hian Champions League quarterfinal first leg-ah Sevilla chu 2-1 in an hneh tawh bawk a, semifinal lut turin an dinhmun a ṭha tawh bawk.