Bayern-ah Goretzka a nghet

Germany interna-tional midfielder Leon Goretzka chuan kum 2026 thleng Allianz Arena-a cham turin contract thar a ziak.

Bayern Munich midfielder hi Old Trafford pan tura sawi rik a ni hman a, mahse contract a ziah takah chuan Manchester United tan beisei chi a ni tawh lo.

Bochum aṭanga bul ṭan Goretzka hi Schalke aṭangin khawvelin an hre ṭan a, Bayern Munich-a a insawn hnuah khawvel midfielder ṭha ber zinga mi a ni. Bayern tan hian Goretzka-a'n match 118 khel tawhin goal 25 khungin Germany tan match 38 a khel tawh bawk.

Kum 26 mi Goretzka hian Bavarians manager thar Julian Nagelsmann hnuaiah hmun pawimawha chang. Champions League-ah Bayern hian Barcelona 3-0 in an sawp a, zanin dar 7:00 hian Goretzka bul ṭanna club Bochum an hmachhawn ang.