Premier League midfielder ṭha ber ka ni - Bissouma

Brighton & Hove Albion midfielder Yves Bissouma chuan Premier League midfielder ṭha berah a inchhal.

Kum 25 mi Bissouma chuan, "Invaivung nih ka duh lo. Chutihrualin Premier League hian midfielder ṭha an kawl ṭeuh a, ka thlirnaah chuan ka ṭha ber," tiin a indah sang hle.

Malian midfielder Bissouma hian kum 2018 khan Lille aṭangin Brighton hi a zawm a, English club tan kumin hi season lina a ni. Feet ruka sang Bissouma hi a defending avangin fak a hlawh a, goal khung erawh a chem kalna a ni bik lo - league match 90 a khelh tawhah goal hnih chauh a khung.

Pathianni zan dar 9:30 hian Brighton-in Leicester City an mikhual dawn a, Bissouma vangin Amex Stadium-a inkhel tur hian ngaihven a hlawh sawt ang.