Vettel leh Stroll an cham dawn

Sebastian Vettel chuan season tharah pawh Aston Martin car a khalh chhunzawm dawn a, season kal laia a teammate Lance Stroll pawh chhuak loin a cham chhunzawm dawn tih an sawi chiang.

World champion vawi li ni tawh Vettel hian Ferrari tana hun a hman zawh hnuah chhuah zanlen a ni a, tun season atan Aston Martin hi a zawm - an inrem danah season khat dang pawh sei theih a ni bawk.

Kum 34 mi Vettel chuan, "Nakkumah chuan team dang pawhin a bul aṭangin an ṭan thar leh vek dawn, keini pawhin beiseina nen kan ṭan thar ve leh ang, a phur awm leh dawn hle a ni," tiin a sawi.

German driver chuan sawizawmin, "Formula 1 hi a inher danglam ve reng, car khawl leh thil dang pawh a danglam nasa tawh hle, inelna a tih nawm rualin ṭhenkhat chuan harsatna a siam zawk emawni tih mai tur a ni. Hmasawnna thil hi a ṭha zawnga hman kan tum ang," a ti.