Kohli-a'n T20 captain hna chawlhsan dawn

Virat Kohli chuan T20 World Cup zawhah India tana Twenty20 captain hna a chawlhsan tur thu a puang. Kum 32 mi Kohli hian Test cricket leh ODI-a captain hna ṭha taka chelh chhunzawm turin hun thawl a mamawh thu a sawi.

Khawvel batsman ṭha ber zinga mi Kohli hian T20-ah match 90 khelin 3,159 runs a vaw chhuak a, captain hna hi chawlhsan mah se inelna pathum Test, ODI leh T20 erawh a khelh chhuzawm zel dawn.

T20 World Cup hi October 17 leh November 14 chhung hian United Arab Emirates leh Oman-ah khelh a ni dawn a, Kohli-a'n T20 captain hna hnuhnung ber a chelh ang.

Kohli chuan, "Kan taksa tlin tawk hi kan hriat a ṭul a, kum riat aṭanga kum kaw chhung kha rim takin ka thawk. Tunah chuan hun thawl mamawhna chin ka neiin ka hria.

"T20 captain ka nih chhungin India tan theihtawp ka chhuah a, T20 batsman hna chauh ka chelh hnuah pawh theihtawp ka chhuah zel ang," tiin a sawi.

T20 World Cup 2016 khan Kohli hi MS Dhoni captain-na hnuaiah a khel a, player of the series-ah thlan a ni hial. Pathiannia khelh chhunzawm leh tur Indian Premier League-ah pawh hian Royal Challengers Bangalore captain hna a chelh mek bawk.