Spurs tana goal khung tam ber a thi

20th September, 2021

England striker hlui leh Tottenham record goalscorer Jimmy Greaves chu nimin khan kum 81 mi niin a thi. Greaves hian Chelsea-ah bul a ṭan a, AC Milan, Spurs leh West Ham tan a khel bawk.

Greaves hian England tan match 57 khelin goal 44 a khung a, 1966 World Cup-a England champion puitu zinga mi kha a ni. English striker hian Tottenham tan match 379 khelin goal 266 a khung a, Spurs tana season khata goal khung tam ber record a chelh. Greaves hian 1962-63 season khan 37 goals a khung.

English striker Greaves hian a nupui Irene, a fa pali bakah a tute a kalsan a ni.