World no. 1 nih kan duh - Shamsher Singh

Tokyo Olympic-ah India mipa hockey team-in bronze medal an la a, forward Shamsher Singh chuan hmasawn zel an la tum thu a sawi.

Kum 24 mi Shamsher chuan, "Hmachhawp ṭhahnem tak kan nei a, chung zinga mi Olympic-a medal lak chu kan tipuitling tawh. Hun engemaw chhung chu khawvela ṭha ber nih tumin hma kan la tawh a, kan tih puitlin theih nan kan theihna zawng zawng kan chhuah dawn," tiin a sawi.

Tokyo-a neih zawh tak Olympic-ah khan India hi group stage-ah pahnihnaah an awm a, quarterfinal-ah Great Britain 3-1 in an hneh. Semifinal-ah India hi Belgium lakah 5-2 in an chak lo a, scoreline aṭanga teh chi a ni lo - an inhnehtawk hle. India hian bronze medal la tur hian Germany 5-4 in an hneh a, kum 41 hnua hockey inelnaa medal a lak lehna hmasa ber a ni.

Punjab National Bank tana khel mek Punjabi tlangval Samsher chuan, "Bronze medal la zinga ka tel kha ka lawm a, hockey-ah hian bul ka la ṭan ve chauh a ni. Hmabak êng tak kan nei tih hi kan pawm a ṭul a, theihtawp kan chhuah chuan world no. 1 hi kan la ni ngei ang," tiin a sawi.