Futsal World Cup a hmuhnawm

FIFA Futsal World Cup vawi kuana chu Lithuania-ah khelh chhoh mek a ni a, Facebook Page 'Kemari Sports' hmangin a en theih.

FIFA hnuai
Khawvela football thuneitu sang ber FIFA hian mumal takin futsal hi a kalpui a, Futsal World Cup pawh hi kum 1989 aṭanga neih ṭan a ni tawh. FIFA hnuaia khawmualpui hrang hrang pawhin futsal hi mumal takin an kalpui vek bawk.

Futsal World Cup-ah hian team 24 an tel a, Asia pawhin team nga ngawt an thawh. Team thawh tam ber chu Europe an ni a, quota panga bakah inelna thlengtu Lithuania an kawl avangin team sarih an thawh.

Khawmualpui dang Africa (3), Central, North America and Caribbean (4), South America (4) leh Oceania (1) ten team an thawh bawk.

Tling tawh
Group A aṭangin Kazakhstan leh Venezuela; group B aṭangin RFU leh Uzbekistan; group C aṭangin Portugal leh Morocco; group D aṭangin Brazil; group E aṭangin Spain; group F aṭangin Argentina leh Iran ten knockout stage an lut tawh.

Team 24 hi group parukah pali zelin ṭhen an ni a, group khat aṭangin pahnih zel an tlang dawn bakah pathumna zinga ti ṭha pali an lut dawn. Zanin hian group match khelh zawh a ni dawn a, last 16 khel tur a hriat kim thuai dawn.

Zanin Inkhel Tur
Group E
Japan 8:30 PM Paraguay
Spain 8:30 PM Angola

Group F
USA 10:30 PM Serbia
Iran 22:30 PM Argentina