Point hmu lo awmchhun Norwich

Premier League team 20 zingah Norwich City chu tun season hman laia point la hmu lo awmchhun an ni. Inrinni zan inkhelah Norwich hi an mikhual Watford lakah 3-1 in an tlawm.

English football inelna sang berah hian team panga chauh an league match hmasa panga tlawm vek an la awm, an zinga pakhat chu Canaries hi an ni - an manager Daniel Farke chu EPL-ah a zawna match 15 chak lo zawn a ni chiah bawk.

Watford tana Emma-nuel Dennis goal khung chu Teemu Pukki-a'n sut mah se, mikhual team lamin second half-ah Ismaila Sarr hmanga goal hnih khung lehin hnehna an chang a, hnehna changtu Watford hian point ruk hmun 11-na dinhmun an luah.

Championship cham-pion ni chunga EPL kheltu Norwich erawhin point an la nei lo tluang zel a, inelna hniam zawka tlak leh nghal an duh a nih ngawt loh chuan insiamṭhat ran an mamawh takzet.