Zamalek-in CAF Champions League final lut

African Champions League final khel turin Zamalek chuan Raja Casablanca chu 3-1 in an hneh a, final-ah Egyptian club tho Al Ahly nen an inhmachhawn ang - final hi November 27-ah khelh tur a ni. 

Covid-19 vangin Zamalek leh Moroccan club Raja-te Champions League semifinal second leg inkhelh hun hi vawi hnih ngawt sawn a ni a, first leg-a 1-0 a lo chak tawh Zamalek bawkin hnehna an chang nawn. 

October 28-a Covid-19 kai player 14 ngawt neitu Raja tan rin loh takin DR Congo international Ben Malango chuan goal hmahruai a khung a, mahse Zamalek tan Tunisia midfielder Ferjani Sassi leh Egypt international Mostafa Mohamed-ten chhang-letin 3-1 in an chak - Mohamed hian goal hnih a khung.