Ghana-ah Gyan a kir

Indian Super League club NorthEast United-a chhuahsan hnuah Asamoah Gyan chuan an ram Ghana club Legon Cities-a zawm a, kum khat chhung atan contract ziakin kum li thleng pawhsei theih tur a ni. 

Kum 34 mi striker chuan, "Mi ṭhenkhat chuan chawlh ka tum tawh vangah an ngai mai thei. Mahse, kei chuan inkhelh zel ka duh a, thil thlen zel dan tur chu kan hria ang chu," a ti a, a agent Sammy Anim chuan Ghanaian football chawi kan nana an hmalakna pakhat a nih thu a sawi tel bawk. 

Ghana tan match 109 inlana goal 51 khung thei striker hian Serie A club Udinese, Ligue 1 club Rennes leh Premier League club Sunderland tan pawh a lo khel tawh a, sum tam zawk uma UAE Pro League club Al Ain leh Chinese Super League club Shanghai SIPG-a pante chu a larpui hle.

September 2019 khan Indian Super League club NorthEast United a zawm a, match riatah goal li khungin assist vawi khat nei mah se a inhliam zui a, January khan Highlander hian an chhuah zalen.