I ti ṭha e, Bravo

Indian Premier League 2018 match hmasa ber chu Inrinni zan khan khelh a ni a, Chennai Super Kings chuan run 68 siamtu Dwayne Bravo chet ṭhat zar zoin Mumbai Indians chu wicket khatin an hneh.

Mumbai khawpuia inkhelah mualneitu MI an bat hmasa zawk a, Ishan Kishan (40 runs) leh Suryakumar Yadav (43)-te chet ṭhat zarzoin over 20-ah run 165 an siam a, wicket li an hloh.

CSK bat hun a thleng a, over 16.3-ah run 118 an siam tihin wicket riat an hloh tawh a, an mangang–mah se CSK tan chi ai ve duh lo Bravo a awm a, West Indies batsman hian ball 30 lekah run 68 siamin 19.5 over-ah Chennai club hi hnehna a chanpui.

Nizan khan Kings XI Punjab leh Delhi Daredevils bakah Kolkata Knight Riders leh Royal Challengers Bangalore te an inkhel a, he thu buatsaih lai hian result kan hre hman lo.

Zanin dar 8:00 hian Sunrisers Hyderabad leh Rajasthan Royals an inkhel ve leh ang.