James DeGale-a'n a kawnghren a hlawh let

British boxer James DeGale chuan IBF super-middleweight title December thlaa a lo hloh tawh chu nei let turin Las Vegas khawpuiah Caleb Truax a hneh.

Kum 32 mi DeGale hian nikum December thla khan London khawpuia Copper Box Arena-ah rin loh takin Truax hi a lo hneh lo tawh a, an inhnek nawn hnuah erawh phuba lain 117-110 114-113 114-113 in a chak.

DeGale chuan, "Hliamin min tihbuai loha ka in fit phawt chuan ka hmaa dingte tan hneh ka harsa ṭhin tih hi ka hrilh tawh hnu che u kha a ni. Ka rilru zawng zawng pe chungin ka hmachhawn a, kan inhnek hmasa zawkah kha chuan naupang ang maiin ka in fit tawk lo a ni," tiin a sawi.