Mumbai-ah Anwar Ali a kir

9th April, 2018

Indian Super League club Mumbai City chuan ATK aṭangin an defender hlui Anwar Ali an la let a, kum 33 mi centre back hian season thar atan contract a ziak.

Anwar Ali hian season hman zawh takah khan ATK tan league match sarih a khel a, ISL-ah hian Delhi Dynamos leh Mumbai City tan lo khel tawhin Mohun Bagan, Dempo, JCT, Mumbai FC leh United Sikkim tan a lo khel tawh bawk.

Hetihlai hian NorthEast United chuan East Bengal aṭangin central defender Gurwinder Singh an lalut bawk. Kum 31 mi defender hian season hman zawh takah khan East Bengal tan league match thum chiah khel mah se Kerala Blasters tan ISL-ah season thum hun a lo hman tawh avangin Highlanders hian an ṭangkaipui thei ang.