Mizoramah FIFA Technical Consultant

FIFA Technical Consultant for South Asia, Chokey Nima chu Mizoram tlawh turin nimin khan Aizawl a lo thleng.

FIFA Technical Consultant hian Mizoram Football kalphungte a zir chiang dâwn a, AIFF Head of Player Development Richard Hood in a ṭawiawm a ni.

Tun hnaia Mizoram Football hmasawnna hrang hrangte a hmunah a en dâwn a, hmasawn zelna turin rawtnate a thlen ang.

Nimin tlai khan Lammuala AIFF-MFA Grassroots Centre tlawhin MFA Grassroots & Youth Development Committee-te nen grassroots football tihchangtlung dan tur an sawiho.

Vawiin hian Mualpuia Tata Trusts-in football zirna Centre of Excellence an din thar chu an tlawh ang a; MFA hnuaia Women's Committee leh Futsal Committee Member-te nen an inkawm ang.

Mizorama football coach, AFC leh AIFF hnuaia coaching license nei zawng zawngte Grand Hotel-ah a kawm bawk dawn a ni.

Tlai lamah MFA chuan FIFA Technical Consultant pual hian cultural evening an buatsaih bawk ang