CSK-in Mumbai an hneh

Pathianni zan khan Indian Premier League chu UAE-ah khelh chhunzawm a ni a, Chennai Super Kings-in champion lai Mumbai Indians chu 20 runs-in an hneh.

Dubai International Stadium-a inkhelah CSK-in bat hmasak an thlang. Ruturaj Gaikwad-a'n thi loin 88 runs a vaw chhuak a, Ravindra Jadeja (26) leh Dwayne Bravo (23) ten rawn thlawp bawkin over 20-ah 156/6 runs an siam.

Mumbai tan Saurabh Tiwary-a'n thi loin 50 runs siam mah se top order an che ṭha tawk lo. IPL champion lai hian over 20-ah 136/8 runs chauh an siam a, CSK bowler Bravo (25/3) leh Deepak Chahar (19/2) te ngam loin an chak lo.

Zanin hian IPL hi khelh chhunzawm a ni dawn a, dar 7:30-ah Punjab Kings leh Rajasthan Royals te an inkhel ang. Kumin April thla khan IPL hi khelh ṭan a ni tawh a, round 7-na an khel zo tihin Covid-19 vangin inelna hi ṭhulh a ni.