FIFA Futsal World Cup ; A thiam 16 chiah an dam ta

FIFA Futsal World Cup vawi kuana chu Lithuania-ah khelh chhunzawm zel a ni a, zanin aṭangin knockout stage khelh ṭan a ni dawn. Facebook Page 'Kemari Sports' hmangin a en theih.

Last 16-ah hian Brazil, Portugal, Russia national futsal team (RFU) leh Spain te chu harsatna nei loa chak tura ngaih an ni a, amaherawhchu World Cup 2016-ah khan Brazil leh Italy te chu chak tura rinkai ni siin Iran leh Egypt lakah an tlawm. Tun ṭumah pawh hian 'upset' a thleng lo ang tih a sawi theih lo.

Khawvela football thuneitu sang ber FIFA hian mumal takin futsal a kalpui a, Futsal World Cup pawh hi kum 1989 aṭanga neih ṭan a ni tawh. FIFA hnuaia khawmualpui hrang hrang pawhin futsal hi mumal takin an kalpui a, Asia ram pawhin futsal-ah nasa takin hma a sawn a ni.