Messi hian thlak a duh ngai lo - Guardiola

Manchester City manager Peo Guardiola chuan Barcelona a enkawl laia a fa chuam Lionel Messi a hrechiang a, tunlai a boruak tawn mek pawh mak a ti lo - tun hma deuhin Pep hian Messi chuangchang a lo sawi tawh.

Pep chuan, "Leo hnenah chuan thu tam sawi a ngai lo, khelmual chhungah a duh ang taka a tal theih nan player rem khawmsak la. Hei erawh i hriatsak dawn ni a, khelmual aṭanga lak chhuah a duh ngai lo.

"Hun tawp dawna chawimawi hlawh tura lak chhuah pawh a duh chuang lo," tiin Messi chungchang a lo sawi tawh. Tun hnaiah Paris Saint-Germain manager Mauricio Pochettino chuan Messi hi a la chhuak a, thawm a nei zui hat reng a ni.

PSG a zawm hnuah Messi-a'n beisei angin a la khel chhuak lo. Chutih rualin Champions League-ah goal bar a tih per a, Ligue 1 match hnuhnungah pawh freekick aṭangin goal ban leh bar inzawmna lai a pet per dawp bawk - goal khung a hlat tawh lo.

Messi awmna PSG hian zanin dar 12:30 hian league match khel turin Metz an tlawh ang.