Arsenal indahṭha dawn

Zanin dar 12:15 hian Arsenal chuan AFC Wimbledon an lo mikhual dawn. Emirates Stadium-a inkhel turah hian Mikel Arteta chuan a player ṭha tam zawk a chhawr lo ang - League Cup ai chuan kar tawpa Tottenham nen North London Derby an khelh tur a ngaih pawimawh a ngai.

Gunners hian season bul ṭan chhe hle mah se an insiamṭha ve mek. An player hliam ṭhenkhat an dam tawh; Burnley an hneh ṭumin Gabriel Magalhaes leh Thomas Partey te ṭha takin an khel thei tawh, an tlarhnung leh midfield a phui phah hle.

Granit Xhaka chuan hremna a hmang zo tawh, Swiss midfielder hian match fitness a mamawh avangin zaninah a inlan a nih pawhin a mak lo ang. League One club lakah hian senior player aiin naupang lamin hun an hman tam a rinawm zawk.

Beisei aia hmain Mohamed Elneny hliam a dam, training pangngai zawm leh tawh mah se zanin a chhawr atan chuan a la hma mah mah mai thei. Kar tawpa Spurs an hmachhawn hunah meuh chuan inkhel tura thlan theih zingah a tel tawh ang.