Real Madrid-ah Vinicius Jr a nghet

Brazil international Vinicius Junior-a'n Real Madrid tan season bul ṭha takin a ṭan a, Santiago Bernabeu a chhuahsan dawn tih sawi thawm a awm hman hial.

Amaherawhchu Los Blancos hotute chuan Vinicius hi player pawimawh a ni a, khawih chet thiang lo a nih thu an sawi. Real Madrid hian kum 2018 khan Vinicius hi euro maktaduai 46-in Flamengo aṭangin an la chhuak.

Kum 21 mi Vinicius hian Real Madrid tan kumin hi season lina a ni a, a theina tak tak lantir ṭan. Brazilian winger hian league match vawi nga khelh tawh aṭangin vawi nga a khung a, season li chhunga league-a a khung tam ber a ni der tawh a ni.