James Rodriguez-a'n Everton a chhuahsan dawn

Everton midfielder James Rodriguez chuan club thar zawngin Qatar-ah a zin a, Colombian international hian Premier League club hi a chhuahsan ngei dawn niin a lang.

Kum 30 mi Rodriguez aiawhte hi Qatar club Al Rayyan hruaitute nen inbia a, hlawh chungchangah la indawr mek. Colombian midfielder hi chhuak tura ngaih ni mah se tun dinhmunah erawh inremna a la awm lo.

Rodriguez hian manager Carlo Ancelotti vangin Goodison Park a pan a, Real Madrid leh Bayern Munich midfielder hlui hi Ancelotti-a'n Los Blancos lamah a let san avangin a hmalam hun a chiang lo.

Toffees manager thar Rafa Benitez hnuaiah Rodriguez hi a la inlan lo a, Everton tana a inkhelh hnuhnun ber chu May 16-a Sheffield United 1-0 a an hneh loh ṭum daih tawh kha a ni.

Spanish manager Benitez hian kar khata £200,000 hlawh Rodriguez hi chhuahtir a duh. English club hian Colombian international hi a chhuahtir theih chuan Everton hian nakkum January bazarah sum hman tur an nei thei ang.