Entu nei lo tur Lens

French Ligue 1 club Lens chu an match hnuhnung bera fans chet dan mawi lo avangin hrem an ni a, an khelmuala league match an khelh hmabak pahnihah a hmuna entu mipui an awm thei dawn lo.

Lens hian an mikhual Lille an hneh ṭumin fans chu an khingpui ṭantute awmna lamah an kal a, darkar chanve chhung vel inkhel a khaihlak hial - match hi khelh zawh ni mah se hremna chu an hmachhawn dawn.

Tun season Ligue 1-ah hian buaina neuh neuh a chhuak fo, tun hnai khan Marseille leh Nice inkhelh ṭum pawhin entu lamin buaina a lo siam tawh, stadium chhungah buaina a chhuah fo avangin thuneitu lamin khauh zawka inkhuahkhirhna an kalpui a ngai dawn.