Beckham-a fapain football career a ṭan

England captain hlui David Beckham a fapa Romeo Beckham chuan Pathianni khan American third division club Fort Lauderdale tan a vawi khat nan a inlan.

Kum 19 mi Romeo khelhna club hi a pa Beckham-a club Inter Miami reserve team a ni a, South Georgia Tormenta nen 2-2 in an inhnehtawk.

Romeo chuan, "Professional football-a bul ka ṭan hi ka lawm hle," tiin a instagram-ah a ziak. Beckham hi zaithiam lar Victoria nen an innei a, fapa pathum Brooklyn, Romeo leh Cruz bakah fanu Harper te an nei a ni.

Fort Lauderdale-ah hian Manchester United player hlui Phil Neville fapa Harvey Neville pawh a tel. MLS club Inter Miami-ah Phil Neville hi head coach a ni mek.