Alonso a ṭhingṭhi dawn lo

Chelsea defender Marcos Alonso chuan inkhelh hmaa an ṭhingṭhit ṭhin chu awmzia a nei tawk loa a hriat avangin chhunzawm a tum tawh lo. Kum 30 mi Alonso hian ding chungin kawr bana 'Premier League No To Racism' badge chu a kawk tawh zawk dawn.

Alonso chuan, "Chi leh chi inthliarna hi 100%-in ka do a, hetiang lam hrim hrim hi ka duh lo. Chutihrualin ram dang leh infiamna danga an tih ṭhin angin ding chunga badge kawh mai hi ka duh zawk," tiin a sawi.

Tun hnaiah Alonso khelhpui Reece James, Antonio Rudiger, N’Golo Kante leh Romelu Lukaku te chuan vun rawng vangin hmuhsitna an tawk a ni. Premier League player zinga ṭhingṭhi tawh lo tura thutlukna siam hmasa ber chu Wilfried Zaha a ni a, Crystal Palace winger hian ṭhingṭhit hi hnung tawlhnaah a ngai thung.