Alcantara a chawl rih dawn

Liverpool midfielder Thiago Alcantara chu a chawn hliam vangin a chawlh rih a ngai dawn a, an match khelh hmabak pahnihah a inlan thei dawn lo. Nizan League Cup inkhela Norwich City an hmachhawn ṭumin a inlan thei lo a, Inrinni zana Brentford an tlawh hunah a inlan thei lo bawk ang.

Kum 30 mi Thiago hi Inrinni zana Crystal Palace 3-0 a an hneh ṭum khan a hliam a, minute 62-naah Naby Keita chuan a rawn thlak; a hliam hi endik a nih hnuah a chawlh chen tur hi a hriat theih.

Reds assistant coach Pep Lijnders chuan, "Chiang fakin ka sawi rih thei lo, League Cup bakah kar tawp match chu a khel thei lo chiang ang. Endikna dang a la hmachhawn leh a ngai dawn," tiin a sawi.

Palace laka inlan lo defender Trent Alexander-Arnold pawh a la chawl rih dawn a, malpui hliam vanga chawl forward Roberto Firmino erawhin training a zawm pangngai leh tawh thung.