Kohli hote an chak lo

Virat Kohli awmna Royal Challengers Bangalore (RCB) chu Kolkata Knight Riders (KKR) lakah wicket kua in an chak lo. Indian Premier League 2021 thawh hnihna bul ṭan nan KKR an che ṭha hle.

Ṭhum vawra vannei zawk RCB lamin vuak hmasak an thlang a, over 19 chhunga 92 runs siamin an thi fai vek. KKR lamin over 10 lekah 94/1 runs siamin target an khum a, wicket pakhat chiah hlohin nuamsa takin hnehna an chang.

Hripui leng vangin IPL hi India ramah khelh theih a ni lo, season hmasa ang bawkin United Arab Emirates-ah khelh a ni. Zanin dar 7:30 hian Delhi Capitals leh Sunrisers Hyderabad an inkhel ve leh thung dawn a ni.